收到風文弟士街間尚皇麻辣火鍋燒肉店引入左日本德島縣既特產黑毛和牛，即「阿波牛」。適逢放假梗係斑馬式咁衝去試，其實點和牛套餐係抵食d，有石窩飯有海鮮有沙律既兩人餐島係四百零蚊。但作為一個和牛奴，既然一場嚟到，梗係寧願單點多幾個和牛既部位試下啦。點餐時職員帶領我到兩個雪櫃前，原來d阿波牛係一pack pack分晒類list晒價咁雪係個雪櫃到；我揀左前胸肉（$93）、去骨牛小排（$82）、肩押肉（$70）同胸腹板肉（$95），然後職員就攞晒班牛去解凍跟手set up埋個炭爐。最推薦係油筋極豐富既前胸肉，另外個肩押肉都唔錯，但擺盤就較肉酸。今日到訪仲要接近係包場既狀態，坐得舒舒服服安安樂樂，服務員態度亦極佳。尚皇個麻辣火鍋係點我就唔知，但和牛呢個格價嚟講絕對係平易近人到令我覺得有d非比尋常，試下無傷大雅。連冬菇、大蝦、啤酒、柚子梳打同一個沙律兩個人食左四百幾蚊雞， 真係逆市求生價。（另外打卡post相有9折，明啦咁）
尚皇頂級麻辣辣駌鴦火鍋燒肉
餐廳 - 澳門文第士街35號文苑大廈地下
詳細資料：尚皇頂級麻辣駌鴦火鍋燒肉
Search